លោកប្រធានាធិបតី បារ៉ាក់អូបាម៉ា បានប្រកាស ពីយប់ ថ្ងៃព្រហស្បតិ៍ ថាបានអនុញ្ញាត ឱ្យយោធា របស់សហរដ្ឋអាមេរិក ចាប់ផ្តើម ការវាយប្រហារ តាមអាកាស ទៅលើ គោលដៅ នៃប្រទេស អ៊ីរ៉ាក់ ប្រសិនបើ មានការចាំបាច់ ដើម្បីការពារ ពលរដ្ឋអាមេរិក ពីពួកសកម្មប្រយុទ្ធ អ៊ីស្លាម នៅភាគខាងជើងប្រទេសអ៊ីរ៉ាក់ ដែលបាន គំរាម ទៅសហរដ្ឋអាមេរិក ចំពោះការចូលរួម ផ្នែកយោធា នៅក្នុងសង្គ្រាម និកាយ ជាយូរមកហើយ លើប្រទេសនេះ។
លោកក៏បាន ឱ្យដឹង ទៀតថា យោធាអាមេរិក បានត្រៀមរួចជាស្រេច នូវ ជំនួយមនុស្សធម៌ សម្រាប់ទម្លាក់ ជួយដល់ជនជាតិ ដែលកាន់សាសនា ភាគតិច ដែលស្ថិតក្រោម ការឡោមព័ទ្ធ ដោយក្រុមប៉ះបោ។
លោកបានថ្លែងពីសេតវិមានថា " អាមេរិក មកថ្ងៃនេះ គឺដើម្បីជួយ " ។
សេចក្តីប្រកាសនេះ បានឆ្លុះបញ្ចាំង ពីការ លូកដៃរបស់ អាមេរិកទៅក្នុង ប្រទេសអ៊ីរ៉ាក់ ចាប់តាំងពី ការ ដកកងទ័ព របស់ អាមេរិកកាលពី ចុងឆ្នាំ២០១១ បន្ទាប់ពី សង្គ្រាមនៅក្នុងប្រទេសនេះជិតមួយទស្សវត្ស។
លោកអូបាម៉ា បានបញ្ជាក់ថា ជំនួយមនុស្សធម៌ទាំងនេះ ត្រូវបានធ្វើឡើងតាមសំណើរបស់រដ្ឋាភិបាល អ៊ីរ៉ាក់ ដែលបានស្នើរសុំ។
ហើយ ម្ហូបអាហារ និង ទឹកត្រូវបាន គេបញ្ជូនទៅ ជួយដល់ ជន យ៉ាហ្សីឌីស(Yazidis)រាប់ម៉ឺននាក់ ដែលជាប់ នៅលើភ្នំមួយដោយ មិនមានម្ហូបអាហារនិងទឹកនៅទីនោះ ។
យ៉ាហ្សីឌីស (Yazidis) គឺជាអ្នក ដែល កាន់ជាសាសនា បុរាណមួយ ដោយមានទំនាក់ទំនងទៅនឹង សាសនា Zoroastrianism,បាន ភៀសខ្លួន ពីលំនៅដ្ឋាន របស់ពួកគេ បន្ទាប់ពីក្រុម រដ្ឋអ៊ីស្លាម បានចេញ ឱសានវាទ មួយដើម្បីបម្លែង ទៅជាសាសនា អ៊ីស្លាម ហើយ ពួកគេ មានជម្រើសចំនួនបី ក្នុងបញ្ហានេះ គឺ ត្រូវបង់ប្រាក់ពិន័យ ខាងសាសនា, រតគេចចេញពី លំនៅដ្ឋាន ឬក៏ត្រូវប្រឈមមុខ នឹងការស្លាប់របស់ពួកគេ។
លោកក្នុងនាមជា ប្រធានាធិបតី បានទទួលស្គាល់ថា សកម្មភាព នៃការដាក់ កំលាំង យោធាទៅក្នុង ប្រទេសអ៊ីរ៉ាក់ សាជាថ្មីនេះ អាចជាក្តីបារម្ភ ដល់ជនជាអាមេរិក ជាច្រើនផងដែរ។ លោកបានប្តេជ្ញា ជាថ្មីថា នឹង មិនឱ្យ មានការ ដាក់កងទ័ព ប្រយុទ្ធរបស់ អាមេរិក មកវិញ នៅលើទឹកដីប្រទេស អ៊ីរ៉ាក់ និងបាន និយាយថា នឹងមិនមាន ដំណោះស្រាយយោធារបស់សហរដ្ឋអាមេរិក ណាមួយ លើវិបត្តិនៅប្រទេនេះទៀតទេ។
លោកអូបាម៉ាបានថ្លែងថា: "ក្នុងនាមជាអគ្គមេបញ្ជាការ ខ្ញុំនឹងមិនអនុញ្ញាតឱ្យសហរដ្ឋអាមេរិច លូកដៃប្រយុទ្ធក្នុងសង្គ្រាមថ្មីមួយផ្សេងទៀតនៅក្នុងប្រទេសអ៊ីរ៉ាក់ ទេ"។
